Psa 113 | VulgJ | STEP | alleluia in exitu Israhel de Aegypto domus Iacob de populo barbaro cum egrederetur Israhel de Aegypto domus Iacob de populo barbaro

Psalms 113

1 alleluia in exitu Israhel de Aegypto domus Iacob de populo barbaro ^va 2 facta est Iudaea sanctificatio eius Israhel potestas eius ^va 3 mare vidit et fugit Iordanis conversus est retrorsum ^va 4 montes exultaverunt ut arietes colles sicut agni ovium ^va 5 quid est tibi mare quod fugisti et tu Iordanis quia conversus es retrorsum ^va 6 montes exultastis sicut arietes et colles sicut agni ovium ^va 7 a facie Domini mota est terra a facie Dei Iacob ^va 8 qui convertit petram in stagna aquarum et rupem in fontes aquarum ^va 9 non nobis Domine non nobis sed nomini tuo da gloriam ^va 10 super misericordia tua et veritate tua nequando dicant gentes ubi est Deus eorum ^va 11 Deus autem noster in caelo omnia quaecumque voluit fecit ^va 12 simulacra gentium argentum et aurum opera manuum hominum ^va 13 os habent et non loquentur oculos habent et non videbunt ^va 14 aures habent et non audient nares habent et non odorabuntur ^va 15 manus habent et non palpabunt pedes habent et non ambulabunt non clamabunt in gutture suo ^va 16 similes illis fiant qui faciunt ea et omnes qui confidunt in eis ^va 17 domus Israhel speravit in Domino adiutor eorum et protector eorum est ^va 18 domus Aaron speravit in Domino adiutor eorum et protector eorum est ^va 19 qui timent Dominum speraverunt in Domino adiutor eorum et protector eorum est ^va 20 Dominus memor fuit nostri et benedixit nobis benedixit domui Israhel benedixit domui Aaron ^va 21 benedixit omnibus qui timent Dominum pusillis cum maioribus ^va 22 adiciat Dominus super vos super vos et super filios vestros ^va 23 benedicti vos Domino qui fecit caelum et terram ^va 24 caelum caeli Domino terram autem dedit filiis hominum ^va 25 non mortui laudabunt te Domine neque omnes qui descendunt in infernum ^va 26 sed nos qui vivimus benedicimus Domino ex hoc nunc et usque in saeculum

^va